FURANCHO (bota viño!)

FURANCHO, BOTA VIÑO! é un proxecto de CURTAMETRAXE EN LINGUA GALEGA que nace con vocación de seguir medrando (ata onde nos leven o maxín e os recursos económicos).

«Mayka, executiva dunha consignataria de buques do porto de Marín, reabre o furancho familiar tras deixar o seu emprego, indignada porque o seu xefe, Carlos, contratou ao sobriño da súa dona para o posto de dirección ao que ela aspira, por ser novo, guapo e ter más seguidores en Instagram.

Pero facerse cargo da pequena adega familiar non será tan doado como aparenta. Chega o día da inauguración e Casilda, a matriarca, non deixa de amolar co seu afán pola limpeza. A súa tía cociñeira non aparece, a filla adolescente ponse a ensaiar co clarinete, os primeiros clientes cóanse cunha TV para ver un partido de fútbol, unha parella da garda civil está a piques de facerlle perder os papeis...

Na súa nova vida furancheira, Mayka vivirá tolas peripecias.»

Ao longo da HISTORIA DO CINE, son incontables as películas, series e curtametraxes filmadas en bares, cafés ou restaurantes. Que nós teñamos noticia, esta é a PRIMEIRA FICCIÓN CINEMATOGRÁFICA que se vai RODAR nun auténtico FURANCHO das RÍAS BAIXAS, con GRANDES TALENTOS da ESCENA GALEGA e un equipo técnico de primeiro nivel.

O ESTILO da nosa proposta, en ton de COMEDIA FAMILIAR, vainos permitir ESPALLAR a idiosincrasia e VALORES CULTURAIS DO FURANCHO por TODO O MUNDO, cativando a todo tipo de audiencia.

A nosa admirada actriz, presentadora e comediante Eva Hache comeza un dos seus famosos monólogos dicindo que “todos los españoles quieren montar un bar”.

Nós estamos seguras de que, tras ver a nosa curtametraxe en salas de cine e festivais de todo o mundo, o público vai desexar achegarse á nosa terra e descubrir un AUTÉNTICO FURANCHO GALEGO.

Pero antes, para facer realidade esta produción coa CALIDADE que merece un proxecto tan ILUSIONANTE, IMOS PRECISAR dun pouco da túa AXUDA.

Queres entrar a formar parte da FAMILIA FURANCHEIRA?

QUEN SOMOS

A idea e o reto de crear esta COMEDIA FAMILIAR nun AUTÉNTICO FURANCHO de GALICIA xurde nunha VIAXE que ELENA GALLEGO ABAD e MAYKA BRAÑA fixemos entre Marín e Vigo unha tarde do pasado inverno.

Imaxinade a escena: Unha recoñecida ESCRITORA e unha prestixiosa ACTRIZ galegas cruzan a PONTE DE RANDE entre refachos de nordés, falando sobre GUIÓN e SERIES de televisión.

"Por que non facemos algo xuntas?", concluímos.

Así, pasou o que tiña que pasar.

Ao longo das semanas, compartimos ideas que se materializan no GUION de ELENA GALLEGO ABAD, que decide asumir as tarefas da produción executiva.

Despois dunha vida dedicada á interpretación, máis de dúas décadas dando vida a grandes personaxes en series que xa forman parte da historia da Televisión en Galicia, MAYKA BRAÑA está preparada para dar o salto “ao outro lado” e DIRIXIR a súa PRIMEIRA CURTAMETRAXE.

Con esta ilusión, polo camiño imos captando AMIGOS e COLABORADORES (actores, actrices, músicos, equipo técnico, anunciantes, inversores...) que cren no noso proxecto e se unen á esta gran familia furancheira.

Xunto a Mayka Braña, contamos coa COMPLICIDADE de GRANDES TALENTOS da ESCENA GALEGA, que se suman á proposta dende o principio e ofrécense a participar na curtametraxe... de xeito altruista!

Por orde de aparición na curta, veremos a CASILDA ALFARO, a nena ALEJANDRA ARCOS, a TETÉ DELGADO, a ANXO CARBAJAL, a NANO RIVAS, a ALFONSO AGRA, a PEPO SUEVOS, a CARLOS BLANCO, a PACO PERNAS...

Con tanto TALENTO en estado puro, imaxinas a que se pode montar no noso FURANCHO?

Temos unha GRAN COMEDIA asegurada!

E nun VERDADEIRO FURANCHO GALEGO non pode faltar a MÚSICA. Na banda sonora, baseada en certas PEZAS TRADICIONAIS, traballa o recoñecido gaiteiro FELIPE REA con toda a inspiración do mundo... Xa avanzamos que HABERÁ SORPRESAS que vos van encantar!

E como BROCHE DE OURO deste marabilloso proxecto, na realización contamos co mellor EQUIPO TÉCNICO imaxinable: Os profesionais de TRECE AMARILLO.

ILUSIÓN non nos falta, pero viríanos moi ben unha AXUDIÑA económica. ANÍMATE!

POR QUE FACEMOS ESTE VERKAMI?

Todo o mundo sabe que FACER CINE É MOI CARO. Poñémonos a facer contas e, axustándonos todo o posible, o ORZAMENTO total para facer realidade a curtametraxe FURANCHO váisenos POR ENRIBA dos 42.000 euros, en tan só TRES DÍAS DE RODAXE.

Como PRODUTORAS INDEPENDENTES, temos que facer fronte aos CUSTES de material e persoal do EQUIPO TÉCNICO, GASTOS do equipo artístico, DESPRAZAMENTOS para a rodaxe, CÁTERING, XESTORÍA para tramitar as posibles axudas e contratos, SEGUROS de responsabilidade e seguros sociais, CUSTES FINANCIEIROS, SUBTITULADO profesional e accesible en VARIAS LINGUAS, BANDA SONORA, gastos de POSPRODUCIÓN e DISTRIBUCIÓN...

Facer CINE INDEPENDENTE, mesmo en TAMAÑO XS, non é doado.

Neste intre contamos co COMPROMISO de varios PATROCINADORES, coma o CONCELLO DE MARIN, e amigos convertidos en pequenos INVERSORES PRIVADOS, que nos axudan a cubrir parte do financiamento. Agardamos acadar algún tipo de AXUDAS PÚBLICAS nas convocatorias de AGADIC, TURISMO RÍAS BAIXAS e ICAA deste ano, pero aínda non temos nada confirmado.

Con semellante panorama, que fan dúas mozas coma nós, metidas a facer cine nun furancho familiar?

Hai momentos na vida nos que sabes que tes que APOSTAR a TODO o NADA. Nós estamos moi ilusionadas con sacar adiante este proxecto de curtametraxe. Queres axudarnos? Calquera contribución, por pequena que sexa, suma.

Anímate a colaborar e entra a formar parte da nosa FAMILIA FURANCHEIRA.

O DIÑEIRO recaudado neste crowdfunding vai estar DESTINADO a cubrir diferentes NECESIDADES da PRODUCIÓN do filme, como poden ser o alugueiro de material técnico ou os gastos de promoción e distribución, a cargo de CITYBLUE FILMS (300 FESTIVAIS de CURTAMETRAXES de TODO O MUNDO, incluidos 40 tipo A).

CONSEGUE RECOMPENSAS EXCLUSIVAS

O teu ESFORZO ECONÓMICO non será en balde. Se decides unirte á nosa familia furancheira, recibirás RECOMPENSAS EN AGRADECEMENTO pola túa aportación.

Se segues lendo, poderás acceder a ENTRADAS para ASISTIR á ESTREA da CURTAMETRAXE, que celebraremos por todo o alto na vindeira edición do CULTURGAL 2025 (PONTEVEDRA).

Podes asistir a un ENCONTRO FURANCHEIRO,acadar MERCHANDISING OFICIAL da curtametraxe (edición exclusiva para este crowfunding) ou unha COPIA DO GUION orixinal, asinado...

O teu NOME figurará nos CRÉDITOS da CURTAMETRAXE e, naquelas APORTACIÓNS QUE SUPEREN os 500 €, a PERSOA ou EMPRESA COLABORADORA pasará a formar parte dos PATROCINADORES OFICIAIS (LOGOTIPO nos CRÉDITOS, MATERIAL PROMOCIONAL da curta FURANCHO e no PHOTOCALL da ESTREA da nosa peli no CULTURGAL 2025).

CALENDARIO PREVISTO

• DATA estimada de INICIO de RODAXE: 25/05/2025.

• LUGAR de RODAXE: Furancho LOIS de Marín (Pontevedra)

• Data estimada de REMATE de POSTPRODUCIÓN: 31/10/2025.

• Duración aproximada: 20 a 25 minutos.

• Nacionalidade: Española.

• DISTRIBUCIÓN: Cityblue Films. 300 festivais de todo o mundo (incluídos 40 tipo A).

• LUGAR e DATA de ESTREA: CULTURGAL 2025 (decembro 2025, Pontevedra)

• ENTREGA e ENVÍO de RECOMPENSAS: Decembro 2025.

+ Info

www.furancho.gal

• Segue o proxecto tamén no noso Facebook: facebook.com/Furancheira