Ar - Un disco de Gonçalo Guerreiro
"Ar" é o título deste traballo discográfico. Un CD con 10 temas creados a partir de poemas do poeta portugués Fernando Pessoa na súa versión orixinal. Comigo colaboran os músicos coruñeses Rosalía Vázquez (Violonchelo), Antonio Romero (Contrabaixo), Richi Casás (Saxos e Tropeta) e Iago Blanco (Batería).
Estas cancións xurden das sensacións e pensamentos que foron nacendo en min ao longo dos 18 anos que levo vivindo lonxe da miña cidade, Lisboa. Existen para que eu poida atopar memorias dela nos lugares por onde vou pasando.
Para lanzar o disco, realizaremos un concerto no Auditorio do Centro Ágora do Concello da Coruña o dia 2 de decembro. Os músicos compartirán escena coas actrices e os actores do Elefante Elegante. A escenografía e a iluminación completarán o concerto dándolle unha dimensión poética e teatral.
A que destinaremos as vosas aportacións
O diñeiro recaudado a través de Verkami será destinado a todo o que engloba a produción do disco e a todas as persoas que traballan na súa creación. A vosa colaboración é fundamental para que este proxecto se realice! Espero que o disfrutedes, a vós vai adicado!!!
Calendario previsto
Xuño a setembro - ensaios
Outubro – gravación en estudio
Outubro – fotos e composición gráfica do libreto
Novembro – masterización e realización de copias do CD
2 decembro – 21h00: Concerto de lanzamento e entrega das recompensas no Auditorio do Centro Ágora do Concello da Coruña
Sobre min
As miñas inquedanzas sociais gañan corpo artístico a través dos espectáculos de teatro que creamos no Elefante Elegante. Ar ten un rexistro máis persoal. Nace da necesidade de cantar o que fun sendo ao longo destes anos que levo de viaxe. Montemuro, Madrid, Reggio Emilia, Bruxelas, Holstebro, Helsinki, Zurich e Coruña.
A relación íntima coa voz permíteme reinventar o pasado e compartir o futuro. Ar é o presente. Son cancións enraizadas na música portuguesa que buscan unha sonoridade universal. Coido e desexo que vos identifiquedes nelas.
Enlaces
Youtube Gonçalo Guerreiro O guardador de rebanhos
Youtube Gonçalo Guerreiro Fados
0 comentarios
Si ya eres mecenas, Inicia sesión para comentar.